عمر عزاي اعرف طريقي كلمات

اعرف طريقي كلمات

ماقلت هبي فوق راسي ياذعاذيع النسيم

في ليلة براقها نوره يلوح بغيمته

اعرف طريقي وابتعد عن موطن النبت الوخيم

واحفظ لنفسي قدرها واحفظ لطبعي شيمته

ماني معود خطوتي تجنح عن الدرب السليم

ولاني من اللي في زحام الوقت يرخص قيمته

متعوذ برب الفلق من كل شيطان رجيم

ومن كل متنجم يبا يوهمني بتنجيمته

لو أني من اربع ليال جرح قلبي مستديم

واضيق من جو تكدر خاطري تعتيمته

ومن كثر ما يصدمني الواقع وضربه فالصميم

صرت اغبط اللي فا الخلا الخالي مشيد خيمته

وياهيه ياريم الفلا لو بالفلا مليون ريم

بعض الكلام اخير من تاخيرته تقديمته

الوقت ما يصفى لاحد والمنعوج ما يستقيم

وهذا كلام اللي عرف تحليلة وتحريمته

مافي الطرق لو غبدت مثل الصراط المستقيم

ولا فالقلوب اصدق من اللي يحتفيك بديمته

ولا فالطيور الطايره اغلى من الحر العديم

اللي ليا حام السما يعجبك في تحويمته

واللي بتفكيره خلل ويناصر الفكر السقيم

مهما تعلم ماتفيده فالزمن تعليمته

واللي من الغيره تشب النار فالغصن الهشيم

مانقصت من قسمك اللي فزتي بتقسيمته

هذا انتي ياللي من تروى غصنك بماء النعيم

وقلبي عليك من الوله يعزف نغم ترنيمته

مشتاق لك واحتاج لك وانا على العهد القديم

ماغرني متنعم الخدين في تنعيمته

يكفيني انك بدري اللي يجلي الليل العتيم

ولاغيرك بكف الغلا بادرني بتسليمته

وعلى كثر ماحركت شوقي ذعاذيع النسيم

قدرك بقلبي والغلا بموت مارخص قيمته

معلومات الاغنية

كلمات الشاعر

محمد القثامي

الحان واداء

عمر غزاي

توزيع ومكس

عبدالمجيد العكاد

فيديو

براند لحن

هل انت من عشاق عمر عزاي ؟ اذن انشر هذه الاغنية واعكس روعة احساسك وذوقك