عبدالله العواد الخاطر المكسور كلمات

الخاطر المكسور كلمات

خلص كلامي وأفهم العلم يا فلان

يا ما صبرت وشفت منك الغبينه

قلبك حجر باقي ترى ما بعد لان

فيه المشاعر و الخوافي دفينه

أحيان الوم الوقت و أقول ما زان

وأحيان اقول انه يجيب السكينه

قفت سنين العمر وأصبحت ندمان

والعمر لا روح ما ترجع سنينه

على العموم الوقت رابح وخسران

و الخاطر المكسور ربي يعينه

ما عاد فيه الزود دايم بنقصان

ما عاد تسمع كود همسة ونينه

حتى المشاعر كلها أحزان بأحزان

صبرت لين القلب بيح كنينه

ما يملي عيون البشر كان من كان

الا التراب اليا سقط وسط عينه

دنيا تقلب ما عرفنا لها أمان

وين انت ياللي في عيوني مدينه

وان عودت للصدق ياهيه غلطان

ترى البحر ما شال هم السفينه

هل انت من عشاق عبدالله العواد ؟ اذن انشر هذه الاغنية واعكس روعة احساسك وذوقك