معيض القحطاني الخيال كلمات

الخيال كلمات

لخيال اشهر من الحر النداوي

والندى رمز من اليمنى النديه

حيلة النصاب مقطوع الرجاوي

والله انه مايمشيها عليه

ليش دسيت الروايه ونت راوي

تدري ان العاقبه ذنب و خطيه

يوم جاك الليل في بر الصداوي

ظعت ياالراعي وضيعت الرعيه

صفر زايد صفر قلي كم يساوي

يعني الذمه من الذمه بريه

ليش سمو عود جاوي عود جاوي

وليش سمو الابجديه ابجديه

دلتك فاحت وانا عنها غناوي

قهو قيس و قهو ليلى العامريه

لو لبست الجوخ والبشت الحساوي

منته بنايف وزير الداخليه

اعظم الامثال في شعر الخلاوي

ماطرقها بالحون السامريه

وعزت ابراهيم والياس الهراوي

يظربون امثال هي او هاي هيه

وانت لو ينحيبك السيل النحاوي

رحت مثل الحبل في رقبت المطيه

من سمع سمعة شليويح العطاوي

ميز النفس الفقيره والغنيه

يوم طار الستر عن مبسم مضاوي

ماطراة الاالشجاعه والحميه

الازمه ما تغطيها الغطاوي

والسلوم العنجهيه عنجهيه

والله انك من بعيدين الهقاوي

مير تجرفك الحمياء الجاهليه

اسمع الفتوى من اشيوخ الفتاوي

اسمها فتوى وسميها وصيه

ماهويت المستحيل الاانت هاوي

روح سرمد والمسافه سرمديه

بس حاول لاتطيح الامتساوي

لاتشب الحرب وتصير الضحيه

معلومات الاغنية

غناء وألحان معيض القحطاني

كلمات الشاعر القدير سلطان الهاجري

إنتاج فني أستوديو تون لايف

تصوير سعد الدوسري

مونتاج ومعالجة ألوان عبدالعزيز

شكر خاص

الشاعر/ محمد الحويلة

الفنان / سلمان التليدي

الفنان / بطي الذوادي

مسفر بن راشد الحويلة

سالم آل عميش

تركي بن ضيدان

دخيل بن محسن

محمد بن جخير

هل انت من عشاق معيض القحطاني ؟ اذن انشر هذه الاغنية واعكس روعة احساسك وذوقك