عبد الهادي ابو دية ساعة وداع كلمات

ساعة وداع كلمات

ساعه وداع وضيقه خاطر قشرى

تجمعت في خفوق شبت همومه

جرح الفراق أتعذب به ولا يبرى

ومن السحاء ضيقتي في الصدر مكتومه

سراني الشوق وانا ناوي المسرى

كن الوله قوس تلاحقني اسهومه

مشاعر الحب بيام العمر تشرى

لوانها تباع والله لا افرق السومه

ضيقاتنا في مغاليق الصدور اسرى

وانفوسنا بالاتزام الصبر ملزومه

ماباقي الا اصفق اليمنى على اليسرى

مادام فالحب بعد وطيحه وقومه

كنا انداري بعض وقلوبنا خضرى

واحلامنا بالغلا ولود مرسومه

ونبدي اشواقنا ونسامر القمرى

والشوق نختار من ورده ويشمومه

حب طواري المفارق فيه ماتطرى

واليوم ندر اسيوف الحب مثلومه

خلاني وعشت عقبه عيشه غبرى

واشتقت له ياجعل يومي قبل يومه

استغفر الله واعوذ من الهواء وابرى

دام الثقه في بعضنا شبه معدومه

الحب في ذا الزمان اشارته حمرى

وادروبه من القسى والصد ملغومه

وياليتني في المحبه لاكتب ولا اقرى

وقبل اللقاء ليتها راحت علي نومه

عنيت للهم من وجدي ميه صفرى

من وسم جور الزمان الصلف موسومه

يحدني الشوق وتعذبني الذكرى

ودي الاقيه توي واخذ اعلومه

مايكسر الخاطر الا غيبه العذرى

الي سواليفها في لقلب مختومه

هل انت من عشاق عبد الهادي ابو دية ؟ اذن انشر هذه الاغنية واعكس روعة احساسك وذوقك