عبدالله ال عفيفه طاري الشوق كلمات

طاري الشوق كلمات

وشتبي في لوعة القلب يالترف اللعوب

خلني في ذمة البعد بعد اللي جرى

دوب هزتك المشاعر على اللي فات دوب

راحت أيامك والأيام ماترجع ورى

شف بقايا قصر حبك تلاعبه الهبوب

خاوي لافيه مأوى ولاحوله ذرى

ذاك لول يوم طيفك عن غيابك ينوب

عادحن في درب الاشواق والحب اخشرى

كنت احسبن إنك على البعد والهجر مغصوب

لين شفت إنك تهدد على البعد اجهرى

والله إن قلبي على طارئ الفرقى ماهوب

ضاري بالصبر لكن على مثلك ضرى

لاتحاول تستثير العواطف في القلوب

كيف أداوي جرح قلبك وجرحي مابرى

رح وأنا باروح يمكن تجمعنا الدروب

عاد ذاك الوقت يمديك تذكر ماجرى

ان قدرت اسج باسج من حبك وأتوب

وان طرى لي طارئ الشوق ماغيرك طرى

هل انت من عشاق عبدالله ال عفيفه ؟ اذن انشر هذه الاغنية واعكس روعة احساسك وذوقك