ناصر العريمي عيون المحبه كلمات

عيون المحبه كلمات

ياعيون المحبه جيت لجلك ضرير

لاتشب الضلوع وسط قلبي جمر

حبك اللي بقلبي فالبدايه صغير

عقب ذيك الليالي وسط قلبي كبر

لو تطول غياب وتبتعد وشيصير

والله ان قلب خلك فالضلوع انكسر

انت اول محب ويمكن انت الاخير

وللمحبه بقلبي في غيابك اثر

والبلا طحت عندك فالمحبه اسير

وطاح قلبي بحبك كان عندك خبر

انت نادر وزينك في عيوني مثير

فارق بكثر حسنك بين بدو وحضر

صاحبي بالمحبه طالبك لاتحير

قول تم وتوكل لاتدور مفر

كان صار الموادع للمحبه مصير

مابقالي كلام ومن غيابك عذر

لاطريتك ترفق بالغلا واستخير

وهون اوجاع قلبي بالغلا واستمر

والغياب ان حصلك لاتطول كثير

يوم واحد واحسه في غيابك شهر

معلومات الاغنية

كلمات الشاعر محمد المخموسي

الحان محمد بن غرمان

اداء ناصر العريمي

توزيع عبدالعزيز العبري

فيديو المفارق

هل انت من عشاق ناصر العريمي ؟ اذن انشر هذه الاغنية واعكس روعة احساسك وذوقك