اخر تحديث : 02:22:42 14-05-2023
كتر خيرك
صالح الخزماني
ألا يالله ياللي تحت هيبة سلطنتك أسلمت
لك المسلم يسبح لك بحمدك وإلك الإسلامي
احمدك وأشكرك وأثني عليك بما علي انعمت
وزدني في وفا بر العشير ووصل الأرحامي
ولجك الفجر ياليل الذهول اللي علي أظلمت
بعرضك واقع الماضي عليه عرض الأفلامي
وولهتك يالنديم اللي على صافي وفاك أضرمت
بصفحة ذكريات العام واللي من ورى العامي
بعد تقرير مشوار التجارب نجحك وأجزمت
بأن السيف سيفي والعصا والمحزم حزامي
عطتني عزة إخلاصي معك نسيان من نادمت
كتبتك وانطوت صحفي عليك وجفت أقلامي
أباهي لا أبالي وأتبسيط كل ما قدمت
أشب النار قدام العرب وأشيد خيامي
نهاري حر شمسه يستحي منها لسان الشمت
وليلي ترجم نجومه ملامة كل من لامي
على ضو الكلام اللي قشع عنا ستار الصمت
وعرفت ان به وجيه باليمن ووجيه بالشامي
احسب انك تيمم باتجاهي وين ما يممت
اثر لا انته ورايه بالطريق ولا أنت قدامي
وكثر ماحن صدري للونيس وكثر ما درهمت
فجر صدري حنيني وأتعب الأقدام درهامي
عيون الصد وعيون التجافي حول مهما اكرمت
تشوف المجتهد كسلان والبناي هدامي
مصيبة لا تردت قيمتك في عين من قيمت
يشوفك بالسهل وانته تشوفه بالسما السامي
مادام ان جانبي شام لجنابك وانت عني شمت
كثر خيرك وانا لانيب لا جايع ولا ضامي
اشوف انه علي واجب اليا مريتكم سلمت
مرور كرام تربطها الكرامة عند الاكرامي
على شان الخفوق اللي على عرشه قعدت وقمت
وحجب عنك الدجا لين اشرقت لك بيض الأيامي
ختام السالفة يا طيب العشرة كرمت ودمت
هذا حقك علي وحق هقواتي على أوهامي
مصير الوقت يشرح لك ظروفه لا غفلت ونمت
يصيحيك الزمان اللي يصحي كل من نامي
وتعرفني لمنها ضاعت اوهامك بمن وهمت
وعرفت الفرق في حب الخشوم وحب الأقدامي
معلومات الاغنية
كلمات
سعد بن جدلان
رحمة الله
اداء
صالح الخزماني
تنفيذ
براند لحن
ALIS3ED
| تصنيف الاغنية | اغاني سعودية |
| اسم الاغنية | كتر خيرك |
| اسم المطرب | صالح الخزماني |
| كلمات الاغنية | سعد بن جدلان |
| الاغنية من الحان | صالح الخزماني |
ما جاك يا موتري من حر ما جاني احمل خطأ من يدز البنص للصاجة اشوف عقب الغلا كنك بتجفاني ترا صديقك بطول الوقت تحتاجه قلت اسمع العلم انا لاصرت زعلاني ماعاد احسب بروس المال وانتاجه ويقول طبعك تغير منهو الجاني والنار فوق البساتم دوم وهاجة والطرف يا موتري بالليل سهراني عزي لمن يقصد من اقصى