سالم بن مغيثه لا تبتعد كلمات

لا تبتعد كلمات

لا تبتعد يا حبيبي اكره الابتعاد

الهجر ناره تولع في ضلوعي كما

اجروم سمرن تضوت لين صارت رماد

وعيني على شوف غيرك كن فيها عما

اخوا على شوفتك مثل الخوا للقناد

وانا على دلتك خاوي وميت ضما

تعال خل التغلي والعتب والعناد

الشوق من فوق حده يا حبيبي زما

شفقن على همستن كنها نسيم البراد

صوتن عسى تبطي الايام به ما هما

وشفقن على غرتن ما مثلها بالعباد

ما مثلها الا تمام البدر وسط السما

من زين عينك تقول ابرمش عينك زناد

ياخذ عقول العرب في رمشته لا رما

الزين لو له بلد بتصير ريس بلاد

وكل البشر تحسد الي للبلاد انتما

ولا انت ريس ب قلبي يا حبيبي وكاد

لك وسط قلبي قصورن عاليات وحما

ما تقتحمها طلايع جيش طارق زياد

لو سلو اسيوفهم من فوق كل ادهما

عجل بوصلك ترا كثرة جروح الفؤاد

سيف الهجر سيل بقلبي سيول الدما

ما فيه ل جروح بعدك غير وصلك ضماد

لا وصفتن من طبيب ولا اختراع اعلما

هل انت من عشاق سالم بن مغيثه ؟ اذن انشر هذه الاغنية واعكس روعة احساسك وذوقك