محمد فهد الحربي لك المحبة كلمات

لك المحبة كلمات

ايه اعشقك يالي على البال طاريك

ماغيرك الي في خفوقي مجيه

ما في العذاراء حد يشبه معاليك

انت الحسن وانت الحياه البهيه

شفني مع العالم مسرح واحاتيك

والناس من حولي تحس بأذيه

كل يحلل وش جرى لحال مغليك

وصارو على كشف السراير سويه

الي حسبني صرت مثل المهاليك

والي حسبني شفت فيه الرديه

مايعرفون ان الفكر سارح فيك

يالي خذيت الفكر بالأولويه

كله سبايب حسنك الي مخليك

معروف وفارق ماله اشباه زيه

مايرسمك وصف يحاول يساويك

غير الخيال الي وصوفه نقيه

لك المحبه صادقه دون تشكيك

محمية عن كل نفس رديه

عاندت فيك الغير والقلب شاريك

وصلك طبع حبك في قلبي وصيه

هل انت من عشاق محمد فهد الحربي ؟ اذن انشر هذه الاغنية واعكس روعة احساسك وذوقك