محمد المنصور ليال العمر كلمات

ليال العمر كلمات

لو المسا ياخذ من عيونك الليل

لسهر ليال العمر وانا في قربك

ولو القصايد إعتلت صهوة الخيل

تسابقت قيفانها وسط دربك

ياريحه الريحان والمسك والهيل

حيرتني ما بين شرقك وغربك

الصمت يغني عن هروج المهابيل

والبوح ميت لكن الذنب ذنبك

والشوق جارف والاماني كما السيل

واجمل امل باني انا وسط قلبك

ماعاد فيني للمعارك بقا حيل

ياليت فيني تخاف يازين ربك

من زود حبك اجرع المر والويل

مانيب في سلمك ولاني في حربك

تدري وش اللي اتمناه بالحيل

باقي ليالي دنيتي تكون جنبك

حتي بيوت الشعر قد صابها ميل

عجزت قوافيها على وصف حبك

لو للجروح شفاة غنت مواويل

لو للعيون لسان قالت احبك

معلومات الاغنية

كلمات ابراهيم الغملاس

ااداء محمد منصور

تصميم نبراس الابداع NEBRAS

هل انت من عشاق محمد المنصور ؟ اذن انشر هذه الاغنية واعكس روعة احساسك وذوقك