اخر تحديث : 02:22:42 14-05-2023
نور على نور
انور المشيري
يالفرحة اللي لفت وإكتملت الفرحة
نورتي بقدومك الدار و ضواحيها
يامرحبا بنور وحي القبلة السمحة
والشوفة اللي ترد الروح و تحييها
وجودك إحساس نعجز لو نبي شرحه
كمية امن السعادة صعب نحصيها
طفلة وقدرك على عرش الغلا صرحة
محبة بكبر هالدنيا و ما فيها
يللي حجزتي بغلاك و وجهك وملحة
مكانتك في نفوس صرتي غاليها
شافت في عينك وضحكة روحك المرحة
أشياء صعب نقاومها و نعديها
هدية الله لنا و من جنته نفحه
جابك بعد صبر ودعوة كنا ندعيها
وامسيتي لعيون أبوك النور والفرحة
وانفاس روح أمك و غاية أمانيها
من إسم عمتك أخذتي وجهها وصبحه
نور على نور يملا الدار و يضويها
عقبال أشوفك عروس لابسة الطرحة
وبنت عزيزة ويرفع راسي طاريها
معلومات الاغنية
أنور المشيري نور على نور مهداة الى نور بنت عبدالله المنصوري 2021
شعر وإلقاء الشاعر أنور المشيري
إنتاج عبدالله المنصوري
| تصنيف الاغنية | اغاني سعودية |
| اسم الاغنية | نور على نور |
| اسم المطرب | انور المشيري |
| كلمات الاغنية | انور المشيري |
| الاغنية من الحان | انور المشيري |