حامد زيد قرم وفقير كلمات

قرم وفقير كلمات

منك العذر وعلي المعذرة لا تحسب حساب هجر ولا هجير

كل ذنب بتذنبه بستغفره واحدن ما يعذرك ما فيه خير

دور بصدري وطن واستعمره عندك من الضلع الأول للأخير

عيش فيني وادمر اللي تدمره واعتذرلي واعتبر سرك ف بئر

لا تبشرني بجرح وتذخره لا تعشمني بفرح وتستخير

ولا تنومني بليل وتسهره ولا تنام إلا وأنا جفني سهير

خلني مثل النجوم مبعثره عيش فيني لا شهيق ولا زفير

لا تقول العفو عند المقدرة خل قلبك صلب وحسابك عسير

المسامح والزعل للمبزره وإلا أنا لأني زعول ولا صغير

ودي أدري لية للحزن ثمرة ودي اقطف من قساوتك العبير

ودي أجفل من فراقك واحذره ودي أعرف لو زعلت شيب يصير

لو تقدر خاطري صدق اكسره لو صحيح تحبني لا تستشير

ازرع بقلبي سبب يستنفره أثبت أنك غير وإن الناس غير

شاعرك ما كل بنت تجرجره حارت أبه عقول ناسن ما تحير

النسا ما حركوا فيه شعره ثار عشق وما لقى شي يثير

لو سكت شفت الوقار بمنبره وإن تكلم زمهرير بزمهرير

ما يحضر إلا القلوب مجمهره وما يغيب إلا وعشاقه كثير

أن هجرته تستقر بمحجره وإن تبعت رضاه ما عينت خير

إعشقه لكن بعد ما تقهره ابتسم له بس لا شفته كسير

حن لكن حن لا جبت خبره حب لكن خل حبك بالأخير

لو عطيته وجهك أعطاك ظهره صد عنه ويتبعك مثل الضرير

لا تحاول تكسبه ما تخسره صير ثلج يصير لك مثل السعير

ما تميل إلا الغصون المثمرة وما يسيل من الجروح إلا الغزير

من قبل ما تنقهر منه اقهره قبل لا يستحقرك خلك حقير

أسكنه حرك جموده بعثرة اعشق أكره عاتب اشره حن غير

انثره لملمة لملمة انثره صد ياخي طير لو تقدر تطير

من متى وأنا اتحرى لي مرة تثبت إني لا وقعت أوقع كبير

أبك أنا مقطوع من غصن شجرة لا صديق ولا رفيق ولا عشير

بدوين شيب الصبر شعره ما عرف ريش النعام ولا الحرير

أن غفا كان السحاب يدثره وإن صحى يفرش من الرمضا حصير

ماخذن من قسوة البيد أكثره ومن شموخ البدو شرن مستطير

جنته صحراه والشوك زهرة والسراب بنظرته مثل الغدير

إن فزع يا مشجعه يا مظفره من خلقه الله وهو قرم وفقير

كان ما تقدره قل ما تقدره صير غالي صدق وإلا لا تصير

الغلا اللي ما تزعزعه أهجره دام قلبك لا يجأر ولا يجير

شوف لك رجلن بليد استحقره واجد اللي يعشقون بلا ضمير

بس أنا لو جبت لي مئة مرة ما تحرك في شعره لو تطير

هل انت من عشاق حامد زيد ؟ اذن انشر هذه الاغنية واعكس روعة احساسك وذوقك